番茄師兄

Open Now

Now Closed

又出動支持良心小店! 今次懲罰嘅係番茄師兄，佢好早期已經出聲出力，敢言有良心。叫左【一貝子】，顧名思義就係貝類 —— 花甲同帶子。茄湯好香濃，烏冬好索湯，入哂味又彈牙。美中不足係番茄略生，我比較鍾意熟番茄 🍅好彩有加$5滑蛋，好滑呀~ 🥺【豚豚圓圓】就有豬頸肉同豬腩肉。頸肉香，腩肉肥，我覺得$5菇菇偏硬，但男朋友鍾意食硬野就拍手叫好 👏🏻雞翼係我最愛，梗係要叫【麻香瑞士汁雞翼】試下佢。好食喎，好稱職嘅瑞士汁雞翼，皮肉都入味，美中不足係有少量雞毛。播住國歌食飯，真係食食下都想起立。小黃鴨一定會再幫襯，除左因為食物好食之外，亦都因為今時今日有良心又坐言起行嘅小店，sadly真係唔多。