蕃滿門

Open Now

Now Closed

呢間餐廳見到個舖頭名都知道主打嘅係蕃茄類別嘅食物，餐牌喺上面有唔同嘅蕃茄湯麵同埋焗蕃茄飯。價錢就係一般茶餐廳咁嘅價位，算係合理。當日同朋友點咗一碗大嘅蕃茄麵，係二人份量，湯麵有齊唔同嘅餸菜，可以樣樣都去試啲，而且咁樣share食比起每人嗌一碗嘅價錢更加便宜。蕃茄湯底可以選擇大中小辣，當日就點咗小辣，辣味唔算太強。但辣味同埋蕃茄湯底嘅配合非常適中，喜歡食辣嘅朋友可以試一試點中辣哦。至於粉方面亦都提供唔同嘅粉面可以選擇，包括長意粉，螺絲粉，米線等等。當日就點咗螺絲粉，食起上嚟每一啖都可以索到更多嘅湯汁。餸菜方面，有一般嘅丸類同埋牛腩，另外亦都再可以自選三個餸，當日就揀咗雞軟骨餃子同埋雞翼等等，份量足夠兩個人食有多。餸菜味道就普通，但性價比算高。呢碗粉跟餐包飲品，嗌咗泡沫檸檬茶，比起普通檸檬茶嘅味道有些微分別。大家可以試一試。