Video
Read full review
2015-03-11
3090 views
川善茶居黎到上環，友人話想行PMQ，要冇做開運動的我行條鴨巴甸街真係攞我命，係入面兜左個圈，先驚覺，唔去PMQ都唔知自己咁冇藝術細胞...終於行完，拿拿林落返「山」去川善茶居食野！入到去，環境都幾有「茶」feel，好多中國式的桌椅，但仔細望下，又會見到有些歐陸式的凳，真係R哂頭！等左幾個字，抹茶心太軟就上枱了！Matcha Chocolate Fondant ($78)外面焗到好香脆，一切開，流心效果還好，有湧少少出來但未至於十分澎湃，抹茶味都幾濃醇，少少甜但又帶點苦澀味，但未有回甘感覺，配上雲呢拿雪糕，一熱一凍係唔錯的。Sizzling Matcha Brownie($78)川善茶居的抹茶Brownie係用鐵板上，Brownie上面有一球雲呢拿雪糕，再配上一小壺抹茶濃醬，一倒落鐵板brownie，滾熱的抹茶泡泡不斷浮現，視覺效果一絕，亦有著濃惹的Matcha香。放入口後，凍冰冰的雪糕加熱辣辣的brownie真係好吸引！抹茶味好濃郁，濃到有少少苦，但冇回甘。不過brownie入面有好多果仁，仲幾大粒下，搞到要不斷咬咬咬，如果可以細粒啲就好了。諗諗下，啲抹茶泡泡好似巫婆（Snow Whi
川善茶居
黎到上環，友人話想行PMQ，要冇做開運動的我行條鴨巴甸街真係攞我命，係入面兜左個圈，先驚覺，唔去PMQ都唔知自己咁冇藝術細胞...終於行完，拿拿林落返「山」去川善茶居食野！
入到去，環境都幾有「茶」feel，好多中國式的桌椅，但仔細望下，又會見到有些歐陸式的凳，真係R哂頭！
等左幾個字，抹茶心太軟就上枱了！
Matcha Chocolate Fondant ($78)外面焗到好香脆，一切開，流心效果還好，有湧少少出來但未至於十分澎湃，抹茶味都幾濃醇，少少甜但又帶點苦澀味，但未有回甘感覺，配上雲呢拿雪糕，一熱一凍係唔錯的。
Sizzling Matcha Brownie($78)川善茶居的抹茶Brownie係用鐵板上，Brownie上面有一球雲呢拿雪糕，再配上一小壺抹茶濃醬，一倒落鐵板brownie，滾熱的抹茶泡泡不斷浮現，視覺效果一絕，亦有著濃惹的Matcha香。
放入口後，凍冰冰的雪糕加熱辣辣的brownie真係好吸引！抹茶味好濃郁，濃到有少少苦，但冇回甘。
不過brownie入面有好多果仁，仲幾大粒下，搞到要不斷咬咬咬，如果可以細粒啲就好了。
諗諗下，啲抹茶泡泡好似巫婆（Snow White)炮製毒蘋果煲毒藥lol
Post
