京林屋 (Moved) New Location

平時好少食沫茶主題嘅菜式，今次同朋友專程黎試下。先點左冷抹茶蕎麥麵，麵質煙韌，非常有口感。將啲小配料加入碗冷麵汁，將麵浸完入口味道唔濃亦唔淡，仲有啲野咬下，配菜中仲有酸蘿蔔令人開胃。雖然沫茶味唔算突出，但麵質同味道都已經抹茶半月布丁，睇落平平無奇，一入口沫茶味好濃厚，布丁質感整得恰到好處，食完都覺得好surprised!抹茶蕨餅，配上沫茶粉同黑糖醬，甜甜地又唔太膩，彈牙口感岩岩好，擺盤上睇得出廚師嘅心機。香港限定芭菲，呢杯甜品分左好多層，每層都各有口感。頂頂係沫茶雪糕，之後陸續會食到湯圓，蕨餅，草莓等配料，食食下會發覺由濃郁綠茶味慢慢轉淡，淡味又返酸酸甜甜嘅配料。飲品點左焙茶牛奶，茶香都好出，加上牛奶令杯飲品好滑。選擇凍飲時建議少冰，因為放耐左啲冰融左可能令茶香淡左。