浜燒太郎 (Closed)

朋友最近將軍澳新居入伙，我放工去左搵佢～之後一齊試下樓下間日本野，浜燒太郎。間餐廳以浜燒為名，我地就當然叫左少少要燒既野啦，有象拔蚌，厚身肉地，質感爽口、味道鮮甜～而蟹味噌甲羅燒入面有大量蟹肉同蟹膏，仲可以撈勻鵪鶉蛋；食落蟹膏好濃郁，甘香豐腴，正！另外叫左盤特上壽司盛盒～入面一共有１０件壽司！賣相吸引，包括：帆立貝、鯖魚、三文魚、八爪魚、牡丹蝦、蟹捧、油甘魚、吞拿魚、甜蝦和火炙三文魚等～～件件都好鮮美，好睇又好食！另外叫左個湯餃，D 湯唔覺有味精，而餃子大大件，啖啖肉，食落好滋味！最後叫左２串串燒，雞軟骨同雞翼，雞翼外皮燒到香脆可口，調味合適，而雞軟骨就好有咬口感。