Kay Restaurant

Open Now

Now Closed

餐廳位於好順利大廈地下，經元朗火車站H出口行十分鐘左右就到，餐廳環境特別浪漫，燈光調配令人置身係夜空之中，牆上掛著老闆精心挑選來置各國既紅白酒，餐具擺放亦有一定講究，店員服務態度非常親切。我地叫左兩款晚餐套餐，包括一個頭盤、湯和主菜。頭盤- 鮮果雜菜沙律除左有沙律菜外，仲有火箭菜、哈密瓜、蕃茄仔等配料，食落清清甜甜，特別開胃。湯 - 每日精選餐湯配蒜蓉包甘筍味道甘甜，攪碎後配搭忌廉湯口感特別creamy。蒜蓉包塗滿了濃烈蒜頭牛油香，牛油包輕輕烘過，入口頗脆，沾上湯汁食用，風味更佳。蜜糖芥末醬豬仔髀配墨汁意大利飯（$188）意大利飯粒粒分明有口感，墨汁味濃郁，豬仔髀意外出色，肉質鮮美多汁，蜜蜂和芥末醬甜甜辣辣，令豬仔髀食落額外郁味。紐西蘭頂級西冷牛扒配紅酒燒汁（$228）西冷牛扒有一定厚度，一切就見到粉嫩既橫切面，肉質唔太淋有一定口感，有別現在好多餐廳落鬆肉粉，醬汁是肉汁配搭芥末醬既組合，可以以$68加配左一份鵝肝，鵝油一般價錢都比較昂貴，但雖然加配但份量算大塊，香味濃郁，入口即融。