Garden Bar & Restaurant

Open Now

Now Closed

餐廳環境好靚，有一塊特式牆配埋沙發，好浪漫，好適合情侶去，食物質素都唔錯，西式酒吧風格，但有中西合璧嘅茶品選擇，好特別。肉桂檸檬蜂蜜茶 - 口感幾特別，飲落去好香玉桂味，茶味濃郁。菊花鐵觀音- 帶微酸，另外提供糖自己加入，控制甜度，飲法好特別。意大利菜湯 - 湯料足，食得出廚師精心調配嘅做法！前菜係沙律 - 好特別有兩片生蘿蔔，充滿甘味。鮮海膽蟹肉闊蛋麵 - 麵條彈牙爽口，海膽份量都好多，芝士味濃郁，混合蟹肉後口感層次都好夾。法式香烤蝴蝶春雞- 雞皮燒得好香脆，加入咗香草同埋蜜糖，雞肉入味多汁，下面配有少許雜菜，吸了雞油嘅味道，食落好香肉味，伴碟嘅薯條都唔錯熱辣辣脆口。