深宵食堂 (Closed)

之前呢男朋友想食串燒，咁我就上網搵左一間係尖沙咀厚福道叫做：深宵食堂既餐廳…然後我就偷偷地賣關子帶佢去呢間餐廳。我地去到呢間深宵食堂環境好寧靜， 傾計好舒服而且有一定的人流享受緊晚餐。我同男友都覺得個氣氛好浪漫，男朋友仲好開心好驚喜。 我地急不及待叫野食，細心既男友發現餐廳每張枱既枱面都放住兩包“蔥蒜或酒後必備既香口珠“，為客人設想的確係一間好貼心既餐廳！ 大家吾洗怕餐後會有口氣..事不宜遲介紹下: 芝麻雞翼，四隻大大隻芝麻雞翼好吸引。呢度既芝麻雞翼真係好多芝麻係外層，同一般的炸雞翼吾同。外層炸得香口而且重芝麻味，但入面肉質鮮嫩。中意食雞翼既朋友一定要試一試呢個芝麻雞翼，有你意想不到既味道！ 之後要介紹既係：豚肉露筍卷。呢道菜入面有嫩綠既露筍，再用豚肉包住喺出面。 金黃色的豚肉卷，配清新既蘆筍。出乎意料既夾！因為 一d都吾油膩，仲好fresh。細細卷又易入口！ 之後就介紹一個黑松露牛油帆立貝(用鐵板上)四粒帆立貝粒粒都係好大粒，而且每一粒上面都有吾少分量的黑松露。用鐵板上夠熱，面頭仲有一塊大牛油係中間。香噴噴既黑松露味就係趁牛油仲熱沾滿每粒帆立貝。