Pancake House HoiHoi (Megabox) (Closed)

網上勁推介，這間的疏乎厘及pancake，一場嚟到九龍灣，要幫襯一下。可惜，非常非常之失望， pancake先上枱，賣相唔錯，屬於比較厚身的pancake， pancake上烙印着pancake字樣，賣相算是IG able, cute! 但係呢，pancake 沒有溫度，涼浸浸的。Pancake英文名叫Hot cake, 應該至少有微溫呱，而且，應該即整即上枱，感覺好似是已經預製好，擺碟，就上枱。已經沒有留意餐牌，有冇註明，這個pancakes鹹味的，而店員亦都冇提及，這個pancake是鹹的。可能同自己本身對pancake的概念有很大落差，所以實在有點失望。另外，嗌咗原味疏乎厘，一樣，沒有溫度，雖然賣相可以，影完相食兩啖，頓時覺得中伏。配搭的糖漿，就是糖漿，不是蜜糖，不是楓葉糖漿。另外有一嚿鹹味牛油，反而嗰個有點出色。飲品尚可，但不算是廚房出品，不宜作出評價。有冇下次幫襯？冇。完。