戀上台式料理

Open Now

Now Closed

戀上台式料理位於將軍澳海傍，係唯一一間喺海傍嘅台式餐廳。雖然佢主打台式料理，但食物種類非常多元化，餐廳竟然有烤魚同埋燒肉！大家帶狗狗嚟散步仲可以坐喺出面食嘢添！難得有烤魚食，我哋就一於叫咗嚟試吓！個套餐$348有烤魚、小食、白飯、2枝青島、甜品（額外再加錢）。本身我哋以為個小食豬肉餃係火鍋料嚟，點知原來係煎餃嚟，又幾大份同幾足料喎，真心有驚喜！我哋諗住飲啤酒就算，但佢嘅台式飲品種類超多，款款都好似好好飲，結果我哋就額外再加錢飲叫奶蓋四季春、芝芝芒芒🤭最後，我哋仲食埋個芋圓仙草，真係捧住個肚返屋企啦！