喫麵 (愉景新城) (Closed)

荃灣愉景新城又有新餐廳啦！就係YumMee喫麵啦！主打當然係佢地既喇沙啦！吉隆坡海南雞喇沙 - 湯底味道濃郁，充滿椰香味！海南雞都係冇骨既，而且雞肉好嫩滑！鳳爪排骨蒸籠飯 - 即叫即蒸熱辣辣，個飯好足料，加埋少少甜豉油食已經好正除左主食之外仲會有點心同埋其他小食！蜜糖蒜蓉炸單骨雞翼 - 單骨最容易食，外皮脆卜卜，蜜糖甜蜜蜜，加埋少少蒜香真係唔錯！而我自己就鍾意熊貓流沙包同埋豬仔叉燒包，外型非常可愛，絕對可以俘虜唔少小朋友既心！個流沙包係堅流心架，個蛋黃好香好好味！