亞參雞飯 (青衣城1)

Open Now

Now Closed

最近行街都成日見到亞參雞飯嘅分店，今日突然想食海南雞飯，所以入嚟試一試。朋友點咗肉骨茶，估唔到有驚喜，肉骨茶非常之濃郁，而且舊骨煲到好林好入味，加埋白飯色都幾惹味。至於我嘅海南雞飯都唔錯，雞肉好滑，雞皮唔會太肥，怕食雞皮嘅我都食到，而且海南雞飯一定要配油飯先好味！另外點咗個小食蝦餅，店員話係即製，所以要等耐少少，蝦餅啖啖肉好彈牙，唔會煎到油淋淋。仲有馬來班蘭咖央多士，斑蘭醬配牛油，估唔到都幾夾，加上多士脆卜卜嘅外皮，又幾好食。