大滿屋日本料理 (Closed)

最近one Pacific開左間日式食店，觀塘工商業區真是沒有什麼日式食店的，有一間，但上了兩次去都係貴而唔飽的，你知啦，我地呢啲打工仔，要飽飽地先有動力做埋下午既工作嫁嘛………嘻嘻！餐廳有微微俾人覺得自己去左海龍皇餐廳咁，裝修藍藍地又有好多魚既裝飾，地板係我喜愛的拼圖款式。飲品有多款選擇，除左有汽水外，仲有多款道地飲品，同韓式飲品，當中我同事話罐裝飲品更好飲。我就叫左刺身飯套餐。前菜已經很豐富了，我有的係八爪魚仔（同事有螺仔or素魚翅），蟹子沙律同海帶麵豉湯。海帶麵豉湯好多料，有豆付，大量海帶同絲絲蟹柳，欣賞佢唔會好咸，加埋啲料，成個湯味道温和，有點舒服既感覺。主菜終於到了，外觀都很吸引，每份都拼得有心思。除了有一片片的刺身外，還有切粒的三文魚，飛魚子，魚子和牡丹蝦。三文魚很肥美同新鮮, 另外有魷魚片，有少許沙粒的帆立貝，同有啲根的吞拿魚（我地幾個的都係有根的），有兩片玉子同最誇張的是牡丹蝦，真是很大隻，我地都話要三啖先食完一隻，超鮮甜，少許彈牙同呈起膠狀，上次在一x日本超市的food court單點一隻牡丹蝦要三十六元，呢度真係認抵！成盒飯放有滿滿的刺身。我們全部人都很滿意，已pl