Video
Read full review
2023-02-21
437 views
到西貢墟搵食，龍船餐廳位於萬年街，隔離間餐廳轉完一間又一間，佢就係多年屹立不倒，就算隔離餐廳有好多吉位，客人仍然繼續排隊等入座。亦都多次都見過明星幫襯，多年已經成為我嘅飯堂，早餐、午餐、下午茶、晚餐都食勻晒，就係鍾意呢度廚師煮嘢好有鑊氣，去到西貢墟無特別諗法嘅話通常都會去返呢度食。裝修係普通小菜餐館嘅格局，但係特別之處就係餐廳對住個海旁，啱啱坐門口嗰兩個卡位可以望到海景，可能龍船餐廳個名都係咁樣由來。多人幫襯時更會走鬼式開多兩張枱喺門口。#西式晚餐#香煎豬扒餐 $78每次嚟多數我都會叫呢個扒餐，因為大份好味抵食，係港式西餐，先嚟餐湯羅宋湯及牛油多士，兩大塊豬扒煎得好香口，入口鬆化有肉汁，骨位肥膏邊好甘香，揀咗蒜蓉汁，用好多蒜蓉煮出嚟，蒜香味濃郁，我揀咗薯菜，有炸薯條熱辣辣好脆，唔會炸到乾晒，保持到裏面啲薯仔質感，仲有兩大條菜軟同茄扒。如果揀意粉，係茄汁炒意粉都好正。#滑蛋牛肉飯 $55傳統碟頭飯，牛肉新鮮大片，滑蛋玻璃茨夠滑又掛身，加埋韭黃同蔥花，夠晒鑊氣，成個滑蛋牛肉汁遮住晒啲飯，份量十足，撈飯食一流，有水準之作，有例湯送，係每日都唔同嘅老火湯，另外跟飯叫飲品半價。#龍船餐廳地址：西
裝修係普通小菜餐館嘅格局，但係特別之處就係餐廳對住個海旁，啱啱坐門口嗰兩個卡位可以望到海景，可能龍船餐廳個名都係咁樣由來。多人幫襯時更會走鬼式開多兩張枱喺門口。
香煎豬扒餐
34 views
0 likes
0 comments
羅宋湯、牛油多士
39 views
0 likes
0 comments
#西式晚餐
#香煎豬扒餐 $78
每次嚟多數我都會叫呢個扒餐，因為大份好味抵食，係港式西餐，先嚟餐湯羅宋湯及牛油多士，兩大塊豬扒煎得好香口，入口鬆化有肉汁，骨位肥膏邊好甘香，揀咗蒜蓉汁，用好多蒜蓉煮出嚟，蒜香味濃郁，我揀咗薯菜，有炸薯條熱辣辣好脆，唔會炸到乾晒，保持到裏面啲薯仔質感，仲有兩大條菜軟同茄扒。如果揀意粉，係茄汁炒意粉都好正。
滑蛋牛肉飯
69 views
0 likes
0 comments
傳統碟頭飯，牛肉新鮮大片，滑蛋玻璃茨夠滑又掛身，加埋韭黃同蔥花，夠晒鑊氣，成個滑蛋牛肉汁遮住晒啲飯，份量十足，撈飯食一流，有水準之作，有例湯送，係每日都唔同嘅老火湯，另外跟飯叫飲品半價。
#龍船餐廳地址：西貢萬年街94號地下
Post
