築地‧山貴水產市場 (Closed)

自灣仔碼頭搞沙中線後，都好少去灣仔碼頭。不過今次朋友話見到一座以新鮮水產為主題既店舖，入到店內，見到唔止餐廳咁簡單，仲包含小型超市，以日式食品為主題。我都忍唔到手買番幾包！再加上附近既日式裝潢，唔講我以為自己去左日本個個築地市場。之後就到今晚食飯既地方，燈光陰暗帶點神秘氣氛～純木色既餐桌，自助式綠茶水喉位，沒有繁雜聲音。食客都低聲說話，搵左一陣見到一個熟悉既背影。正觀望緊晚上既灣仔碼頭既風景。原來朋友一早早到等我，之後就開始點餐，今晚簡單一Ｄ，食丼飯。一個丼好食與否，在於食材是否新鮮，飯是否酸度適中。稍有差池足以影響食客既心情。呢間坐立於築地市場當然高質素，呢碗飯入面有即磨山葵，唔係市面成枝牙膏個種。新鮮海膽，開邊半隻龍蝦，鮭魚魚籽，三文魚，最後仲有長腳蟹既蟹鉗。以食材新鮮度計算，真係樣樣都都出色。就連飯都係一絕，粒粒分明，壽司醋恰到好處，個人最喜歡佢既鮭魚魚籽，鹹度十足。食左一陣，見到一位經理拎左一個碟仔，上左附有紫菜，咁岩準備食海膽～原來個紫菜係比我地整手捲，將自己喜歡既食材再加丼飯中既飯，自己捲成手捲～份量方面，算足夠一人食用，由於太味，所以都好快食哂食完飽飽就可以慢慢同litt