濟州燒肉食堂

Open Now

Now Closed

🐮食堂牛肉拼盤一次試哂和牛牛五花、外裙肉、牛小排、薄牛舌、韓牛前胸肉！牛小排口感結實，入口唔肥膩！🐷韓式豬肋骨預先醃好嘅豬肋骨，入味多汁，近肋骨位置肉質特別脆口，其他部份較柔軟。🐙大八爪魚雖然韓式嘅大八爪魚水份較多，但八爪魚腳都係比較易燒焦，所以要慢烤。八爪魚肉質彈牙，味道偏淡，適合先食用再食濃味嘅肉類。🥢辣炒年糕甜辣年糕特別適合冬天食，熱辣辣加埋軟綿綿年糕，魚糕塊，澱粉質愛好者表示好滿足。🥣石頭鍋飯經典嘅牛肉石頭鍋飯，有香脆飯焦，餐廳配製嘅伴飯醬甜辣適中，攪拌均勻食，食到爽脆配菜、軟綿飯粒、脆口飯焦，仲有薄片牛肉，多重口感！🍋熱濟州柚子蜜~用雙層玻璃杯，keep住夠哂保溫，有好多柚子，滋潤清甜。🍹濟州特飲 ~ 柑橘做base加上紅茶及梳打，果味茶味同時get!餐廳仲有多款前菜，泡菜爐邊蛋及芝士粟米任添加！大啖大啖食拉絲芝士，加埋燒肉真係好邪惡！