Aspirations (Closed)

經過觀塘宏利金融中心，裡面有不少食店。其中有間藍色主題咖啡店 #Aspirations 裝修好靚，剛好 #下午茶 ☕️時間，食返個tea先。店內有多款 #蛋糕 同 #咖啡，亦都有套餐選擇。雖然咖啡好香，但見到有 #果茶 🍹都想試下。我點咗 Apple 4 Season 🍏，用青蘋果，蘋果汁同四季春製成。飲落有蘋果香味，但又有四季春的茶香，唔會太甜，感覺清新。蛋糕有2款，試咗 #純素朱古力蛋糕，朱古力🍫味濃郁，口感鬆軟煙韌幾特別。另外 #日式柚子芝士蛋糕 🍰，有清新柚子味，配上芝士蛋糕冇咁膩。