Cull ’N Pistol Hong Kong (Closed)

沿住Soho East行到街尾見到Cull'N Pistol裝修好有外國feel，半開放式餐廳可以帶埋狗狗一齊嚟開餐，全餐廳用上淺藍色座椅，坐响度望住鰂魚涌海旁，仿如置身外國。一坐低店員送上餐牌話剛剛轉咗新Menu，仲比咗張填色紙及顏色筆比仔仔。今次我哋點咗⬇️脆炸魚塊 $128🥢呢個無跟薯條又幾好，因為次次叫炸魚薯條都食唔晒啲薯條太浪費；呢款炸魚細細舊唔駛切，炸得香脆，份量都幾多。牛舌意大利飯 $168🥢老公最愛牛舌好淋有咬口，香甜南瓜味意大利飯每啖都有青瓜粒，感覺好fresh。芝士菠菜意大利雲吞 $158🥢個芝士白汁好濃芝士味好creamy，雲吞皮好出色。三重蛋奄列 $118🥢可選配兩款材料，切開奄列有流心效果，配埋沙律菜及茄汁豆，假日brunch必吃。