Video
Read full review
2023-08-30
17 views
平時行完觀塘海濱之後，都會喺附近搵食。喺海濱公園對面，有間幾有日本風情嘅居酒屋🏮，掛滿燈籠，食物都唔錯，又唔會好貴～🥢飛魚籽沙律 $68食個沙律開吓胃先，青瓜絲新鮮爽脆，有大量飛魚籽，粒粒爆脆好滋味！🥢鯛魚薄切 $150擺盤靚，有十幾片鯛魚，又唔算貴。鯛魚薄切魚肉軟嫩幾鮮味，配少少海藻點吓醋汁別有一番風味！🥢帶子甲羅燒 $88有帶子粒、蟹膏、飛魚籽、蔥花，店員會喺旁邊幫忙燒好～ 蟹膏味香濃，帶子鮮味，放上梳打餅度一齊食，口感更豐富，軟滑又香脆！🥢雞肉丸串 $78一份有兩串，表面嘅燒汁香甜，雞肉丸串內有軟骨，軟腍中帶爽脆，口感豐富！雞肉丸調味恰當，唔會過鹹，好食！🥢鹽燒魷魚筒 $88店員會即場喺旁邊用磯燒爐燒熟，鹽燒更帶出魷魚嘅鮮味，魷魚軟熟唔韌。🥢三文魚牛油果卷 $68尾聲要食吓卷物，牛油果配三文魚係不敗組合，三文魚新鮮，牛油果香滑，大大件食完唔會覺得空虛😂🥢牛肉烏冬 $88最後食埋個牛肉烏冬好圓滿！牛肉剛熟，幾軟嫩，烏冬超滑溜！湯底仲幾好味！係一個飽緊都想食嘅烏冬🤣
平時行完觀塘海濱之後，都會喺附近搵食。喺海濱公園對面，有間幾有日本風情嘅居酒屋🏮，掛滿燈籠，食物都唔錯，又唔會好貴～
🥢飛魚籽沙律 $68食個沙律開吓胃先，青瓜絲新鮮爽脆，有大量飛魚籽，粒粒爆脆好滋味！
🥢鯛魚薄切 $150擺盤靚，有十幾片鯛魚，又唔算貴。鯛魚薄切魚肉軟嫩幾鮮味，配少少海藻點吓醋汁別有一番風味！
🥢帶子甲羅燒 $88有帶子粒、蟹膏、飛魚籽、蔥花，店員會喺旁邊幫忙燒好～ 蟹膏味香濃，帶子鮮味，放上梳打餅度一齊食，口感更豐富，軟滑又香脆！
🥢雞肉丸串 $78一份有兩串，表面嘅燒汁香甜，雞肉丸串內有軟骨，軟腍中帶爽脆，口感豐富！雞肉丸調味恰當，唔會過鹹，好食！
🥢鹽燒魷魚筒 $88店員會即場喺旁邊用磯燒爐燒熟，鹽燒更帶出魷魚嘅鮮味，魷魚軟熟唔韌。
🥢三文魚牛油果卷 $68尾聲要食吓卷物，牛油果配三文魚係不敗組合，三文魚新鮮，牛油果香滑，大大件食完唔會覺得空虛😂
🥢牛肉烏冬 $88最後食埋個牛肉烏冬好圓滿！牛肉剛熟，幾軟嫩，烏冬超滑溜！湯底仲幾好味！係一個飽緊都想食嘅烏冬🤣
Post
