海灣餐廳及海灣咖啡室

Open Now

Now Closed

餐廳：海灣餐廳及海灣咖啡室地點：香港海洋公園萬豪酒店菜式：自助早餐價錢：一晚Staycation經Klook訂購，星期五入住$2187，包普通房間，雙人自助早餐，同$800指定餐廳餐飲券。自助早餐分三個時段入座，分別係：07:00 - 08:15（可訂定）08:30 - 09:45（可訂定）10:00 - 11:15（只可walk in）我地一早預約左08:30 - 09:45時段，早幾分鐘都可以入去。海灣餐廳及海灣咖啡室地方好大，食物分放唔同地方，大部份食物都唔洗排隊。西式食物有豬肉腸，雞肉腸，麵醬三文魚，蜜糖火腿，車厘茄，茄汁焗豆，咖哩薯餅，奄列，水煮蛋，茶葉蛋，煎蛋，煙肉，薯餅，炒蛋，牛奶麥皮，選擇都算係咁。麵醬三文魚算係全場最好食，係鹹左少少。車厘茄都幾好。咖哩薯餅外脆內滑，咖哩味剛好。奄列有多款配料，我揀嗰個配搭有少少拉絲芝士同好香辣椒味，好好味。隔離中式食物有炒時蔬，蔬菜炒麵，上海菜飯，煎蘿蔔糕，炸饅頭，印度煎餅，選擇就好麻麻，全部都係素菜或者碳水化合物。遠方就有點心，有牛肉燒賣，蜜汁叉燒包，素餃，小籠包。小籠包皮厚肉可以，都多汁。牛肉燒賣好實，麻麻地。素餃塊皮一夾就爛皮。