檸檸叁檸檬茶

Open Now

Now Closed

藍田新開左間手打檸檬茶『檸檸叁檸檬茶』 中意飲檸檬茶嘅我梗係要試下啦😙所有檸檬茶即叫即整，全程都可以望店員好用心去打今次叫左4杯🍋招牌手打檸檬茶手打檸檬茶明顯有檸檬果肉同埋青檸片🍋飲落去茶味濃郁得嚟仲有獨特香味， 配上青檸嘅果酸味，成杯茶飲都好清爽，好易入口😋荔枝檸檬茶係手打檸檬茶再加入新鮮荔枝果肉，飲落味道更香甜，而且口感更加豐富，鮮香清爽😝海鹽金菠蘿檸檬茶爆打檸檬與菠蘿嘅蜜香味配上綠茶，非常清新😋再加入少少海鹽，味道更有層次，必試👍🏻渣男鮮奶茶中意濃茶底嘅朋友仔就岩哂，奶與茶嘅突出度非常平衡，尾韻嘅茶香充斥住整個口腔，從第一啖喝到最後一啖都係咁香濃😚