大吉居酒屋 (Closed)

約咗舊同事一齊食晚餐~大家都喺中環返工~所以決定喺中環食日本嘢~去咗呢間大吉~好有日本居酒屋feel~好正宗咁~坐低咗之後~熱情嘅店員都有推介我哋食咩~前菜揀咗高湯海膽啫喱~好好味~高湯啫喱唔會蓋過咗海膽，反而帶出咗海膽鮮甜~推介啊~深海池魚刺身~其實我好小食魚生~但同事話係正嘢~見到佢又咁靚~薄薄哋好似巧刀功咁~幾鮮~唔腥~又ok喎~日本關東煮鍋~天氣凍凍哋~店員推介我哋食嘅~有蘿蔔、蒟蒻、竹輪、福袋等等...我就最鐘意食佢個蘿蔔同福袋~蘿蔔好林吸晒啲湯嘅精華~好入味~而福袋裏面充滿林林哋嘅年糕~食落去inin unun咁~好得意~蒟蒻都好有口感架~最後仲有軟殼蟹牛油果卷~切得大細適中~牛油果好多~軟殼蟹唔會林咗~好脆好好味~呢個卷仲附送咗一啲薑片~店員特別叫我哋試吓~我係好怕食薑嘅~見佢講咗2次話好味~我就試吓佢啦~都係薑味，但帶點兒酸~可能用意係比我哋消滯~都唔差嘅~食完呢間大吉好滿足~臨走仲比咗現金卷我~值得再嚟食過~