塔門仔海膽燒 (Moved) New Location

今晚同朋友嚟到佐敦，見到呢一間塔門仔海膽燒，之前已經聽講過喺呢度食海膽又抵食又好食，果然係名不虛傳。呢個就係佢哋好出名嘅海膽炒飯，飯炒得比較乾身，唔會話好濕，海膽嘅份量都好多，食起上嚟非常之香，另外我哋仲試咗海膽扇貝，大大隻嘅扇貝，非常之好食。海膽嘅菜式真係乜都有，呢一個係海膽飛碟，趁熱食好香，入面海膽嘅份量都唔少！最後我哋仲試咗塔門仔艇仔銀針粉，鮮味十足，我自己尤其是鍾意個湯，配料都唔錯，同樣值得推介！