藝高滙俱樂部會所餐廳

Open Now

Now Closed

同朋友去沙灘玩，咁啱見到有會所俱樂部喺海邊隔離可以燒烤食，於是就去試吓啦。佢就係汀九泳灘隔離，好方便。首先佢係有兩種燒烤可以揀，可以揀傳統燒烤同無煙嘅網格燒烤。咁我哋就揀咗無煙嘅網格燒烤，嗰度嘅職員會幫手透爐，好方便。可以唔使自己起火，一嚟就直接可以食得，唔使整得好辛苦。我哋叫咗個燒烤套餐，一人會包咗唔同種類嘅食物，有牛扒，雞翼，翠玉瓜，鯖魚，蝦，香菇，粟米，腸仔等等。好貼心嘅係除咗蜜糖之外，嗰度會有孜然粉同辣椒粉可以揀，啱晒啲重口味嘅人士可以試。啲嘢食例如雞翼，牛扒等等同孜然粉都好夾，加完之後覺得惹味咗好多。不得不提嘅就係我哋係夜晚去食，而夜晚嗰度個燈飾影得好靚，好適合打卡。隔離又有海風吹住，一邊聽啲海浪聲，一邊燒烤好舒服。