小漁港海鮮舫 鮮蒸‧鮮味火鍋

Open Now

Now Closed

以往有在北角吃過海鮮塔，唯覺一般。因為蒸的方式，材料的新鮮度同蒸的時間是十分講究的。由於朋友介紹，所以來試試。見星期一至四晚上九時後入席平$50，海鮮蒸鍋套餐每人只需$210，所以訂了9時半。由於坐無虛席，等了十多分鐘，一行二人才進去。兩人餐，這兒的份量也蠻多量蠻多款的，很抵食，好期待。因為青瀨尿蝦太受客人青睞，那日餘數很少，原先每人各一條青瀨尿蝦的，將只供一條，及送上一隻凍蟹，隻蟹仲要好大隻！日本珍珠米、南瓜、好多粒新鮮元貝和肉碎，呢鍋粥材料，最後就會吸收盡那四盤海鮮的精華！海鮮煮都要時間，就點左避風塘鮮魷 ($60)  醫下肚先。都幾厚肉，又唔係好辣，無咩味精，唔會口渴。第一盤：希臘小龍蝦、蒜茸花竹蝦、元貝、大連鮑；第二盤：生蠔、馬刀貝、北寄貝、番薯貝。蒸的時間、次序，都係由餐廳職員安排，全程可以坐定定等食。小龍蝦非常鮮甜，睇落不算大隻，但係蝦肉又異常大塊。另外，如果蒜茸蝦多幾隻就好，好好食。食到第二盤，貝殻蒸到全開，剛剛好熟的貝殼，肉心命好多水，好甜，一點都不韌。北寄貝仲有手掌心大，真係好好食!! 仲有生蠔，可以用鮮甜作總結。第三盤：青瀨尿蝦； 第四盤：大羔蟹。隻青尿蝦有隻手掌咁