Video
Read full review
2019-05-03
2115 views
又係同屋企人去食自助餐既日子，今次揀左一間做緊食海鮮主題既「百樂酒店」。環境座位寬敞，光線充足，食物擺放集中，擺盤都唔會馬虎。收費 「海陸空之旅」海鮮自助晚餐(18:30-21:30)，星期一至四$498，星期五至日、公眾假期及其前夕 $528，供應日期由即日起至7月3日，like佢地facebook就有7折，Openrice都有優惠，抵好多！麵包及飲品區要留肚食海鮮同其他野食，冇幫襯麵包冷盤區—前菜不少得各式沙律、芝士、刺身、什錦凍肉拼盤、煙三文魚拼盤等等呢啲大路冷盤，但都有多款精緻同特別少少既，例如燕窩藜麥天使冷麵、鮑片鮮蝦芝士串、龍蝦菠蘿黑魚籽沙律等等。沙律都好新鮮爽脆，刺身切得好大塊，試左三文魚，紋路好靚，食落魚油香都好重。冷盤區—生蠔、海鮮食自助餐既重點當然係食海鮮，加上呢個自助餐都係做緊海鮮主題，冷盤類海鮮有海蝦、花螺、白蜆、加拿大鱈場蟹腳、紐西蘭青口，海鮮類既融雪處理都無問題，無食到有壞既情況，食物Refill都好快，相對上蟹腳Refill速度就慢少少，肉質比較薄啲。至於生蠔係供應紐西蘭生蠔，已經預先開好哂，每人限攞3隻，開蠔同洗蠔都乾淨，食左咁多隻都唔會食到有蠔殼碎，
環境
座位寬敞，光線充足，食物擺放集中，擺盤都唔會馬虎。
收費
「海陸空之旅」海鮮自助晚餐(18:30-21:30)，星期一至四$498，星期五至日、公眾假期及其前夕 $528，供應日期由即日起至7月3日，like佢地facebook就有7折，Openrice都有優惠，抵好多！
麵包及飲品區
要留肚食海鮮同其他野食，冇幫襯麵包冷盤區—前菜
不少得各式沙律、芝士、刺身、什錦凍肉拼盤、煙三文魚拼盤等等呢啲大路冷盤，但都有多款精緻同特別少少既，例如燕窩藜麥天使冷麵、鮑片鮮蝦芝士串、龍蝦菠蘿黑魚籽沙律等等。沙律都好新鮮爽脆，刺身切得好大塊，試左三文魚，紋路好靚，食落魚油香都好重。
冷盤區—生蠔、海鮮
食自助餐既重點當然係食海鮮，加上呢個自助餐都係做緊海鮮主題，冷盤類海鮮有海蝦、花螺、白蜆、加拿大鱈場蟹腳、紐西蘭青口，海鮮類既融雪處理都無問題，無食到有壞既情況，食物Refill都好快，相對上蟹腳Refill速度就慢少少，肉質比較薄啲。至於生蠔係供應紐西蘭生蠔，已經預先開好哂，每人限攞3隻，開蠔同洗蠔都乾淨，食左咁多隻都唔會食到有蠔殼碎，第一轉生蠔海水味較重，而第二轉生蠔就比較creamy，各有各美味。
熱葷區—海鮮
百樂海鮮粥底蒸鍋
59 views
0 likes
0 comments
話明係「海陸空之旅」海鮮自助晚餐，當然唔止得冷盤有海鮮，熱葷都有好多款海鮮，例如：百樂海鮮粥底蒸鍋、椒鹽瀨尿蝦、牛肝菌釀芝士美國雞胸卷、鵝肝醬鮑魚海鮮薯蓉釀海螺、金不換泰式炒辣蟹等等。當中既百樂海鮮粥底蒸鍋十分吸引，上一層係蒜蓉蒸海鮮，分別有瀨尿蝦、青口、海蝦、花蟹、蜆，蒜味幾出，不過唔知係咪蒸得有一段時間，肉質比較老，重點就係蒸海鮮時既精華滴落去下層既粥底變左做海鮮粥，加上會將海鮮倒埋入粥入面，十分豐富，一呷海鮮粥十分清甜，鮮味十足，必食，爸爸仲食左兩大碗添。另外鵝肝醬鮑魚海鮮薯蓉釀海螺外型好吸引，海螺好大隻，呢個係將鮑魚、青口等等加入洋蔥、蘑菇、鵝肝醬汁拌入薯蓉，食落都幾香，但鵝肝醬鮑魚味較弱。
熱葷區—其他
原隻鮑魚花膠瑤柱一品鍋
63 views
0 likes
0 comments
唔少得粉麵檔、印度咖哩、即席切肉區以及其他熱食，每人會送一客原隻鮑魚花膠瑤柱一品鍋，入座後店員會比一張兌換卷到粉麵檔換領，入面十分足料，有雞絲、素翅、鮑魚、瑤柱、花膠及竹笙，味道清甜，湯底唔會太「杰」，唔覺得漿口唔舒服。而即席切肉區供應燒羊架、燒紐西蘭肉眼扒及香草燒春雞，羊架幾嫩滑唔太羶，紐西蘭肉眼扒就比較一般，香草燒春雞正常，而有個特別位係即席切肉區轉左做片鴨，原來會限量供應片皮鴨，拎左一碟試下，可惜餅皮已經凍左，好影響口感，鴨肉唔夠肥美。仲主打瑞士汁慢煮乳鴿、黑松露蘆筍炒駝鳥肉、牛肝菌釀芝士美國雞胸卷等等，熱食質素都唔錯，唔會因為熱爐挫住就乾哂，雖然款式唔算太多，但有平時較少會食到既炒駝鳥肉同乳鴿，有賣點。
甜品區
火焰雪山
33 views
0 likes
0 comments
甜品區
57 views
0 likes
0 comments
甜品
31 views
0 likes
0 comments
選擇不少，特別留意有限量供應既火焰雪山，師傅即場燒，蛋白唔會過甜，入面包住冰凍既雪糕，必食！而甜品區有櫻花主題既甜品，例如櫻花3.5牛乳奶凍、櫻花啫哩水晶球、櫻花酸奶芝士蛋糕，仲有各式糕點甜品、葡撻、黑芝麻梳乎厘、杏汁桃膠燉鮮奶，更加有朱古力噴泉、自製Pancakes機以及雪糕迷必愛既Mövenpick雪糕同任拎Dreyer’s！櫻花甜品都唔錯，幾清新；葡撻正常；黑芝麻梳乎厘焗得太燶同埋入面放得太少蛋漿；奶茶奶凍奶茶味真係幾重幾好食；Mövenpick雪糕有成11隻味揀，Dreyer’s杯裝雪糕亦有三款，除左黑芝麻梳乎厘比較差，甜品都唔錯。
總括而言，食物選擇附合到自助餐主題，冷盤、熱葷、甜品分配都好平均，每個區域有既食物種類數目相若，唔會偏重左係某一區域，海鮮都新鮮，所有食物其實都Refill得好快，未見過有空既情況，又會玩下限量供應食物，要你密啲出去夾野食就會發現驚喜款式，加上有做緊折扣，每位四百幾蚊，食到咁多海鮮，又有不少特別既食物種類，抵食自助餐。
Post
