黑木亭居酒屋 (金馬倫道)

刺身生蠔午市商務二人前自助bar 有四款餐前小食，沙律菜、麵豉湯、檸檬茶👍🏻欣賞佢麵豉湯有蔥花同埋昆布自己任加，私心鍾意食昆布可以夾多啲啲😆白身魚刺身 上面橙色嗰啲係漬蘿蔔，同埋柚子醬油嘅味道帶到魚嘅鮮甜味出嚟😚生蠔 🦪 新鮮無腥味，有蠔味口感creamy，加埋檸檬汁🍋清新，諗起都流口水🤤芝士海鮮丼 嗰面有好多好多好多芝士🧀 芝士下面有好多款刺身，有三文魚、油甘魚、左口魚、蟹柳、帆立貝，同埋每一啖都有蟹籽喺個口度卜卜卜嘅口感，好過癮，但因為都有沙律醬，可能會有少少膩既感覺🙈特上A5宮崎和牛海膽三文魚丼 呢碗都係勁足料 👍🏾 和牛勁嫩有牛味，海膽鮮甜口感嫩滑，三文魚雖然係角切但睇得出都好肥美，仲有三文魚子零腥有豐富嘅Omega3🙊蟹肉蟹膏甲羅燒 🦀蟹肉多蟹膏滿蟹籽足，加埋蔥花同鵪鶉蛋，撈勻一齊燒。配多士，鹹鹹香香，如果撈白飯一定食到一大碗🤩甜品 自家製雪糕 🍧 欣賞佢裝雪糕嘅器皿都有雪凍，雪糕唔會咁快溶😋好味度：8/10回頭度：7.5/10餐廳資料餐廳名稱：黑木亭居酒屋餐廳地址：尖沙咀金馬倫道58-60號國鈀大廈地舖至1樓營業時間：星期一至日 12:00-23:00