八幡屋日本料理 (Closed)

又黎到放題集中地—兆萬，宜家放題走高質路線，食材同菜式都越黎越好。今日就嚟左八幡屋試下，地方企理，食物款式又幾岩我地心水。首先睇睇餐廳環境先，位置都幾寛敞，坐得幾舒服。燈光較暗，配合埋張吧枱，有點點日式居酒屋感覺，情調方面做足功夫。同以往一樣，都係先食刺身。色澤幾亮麗，睇落頗新鮮，肉質爽甜，有油脂。虎蝦肉厚，又有光澤，喜出望外。加左二款炙熱三文魚壽司及海蝦壽司。雖然份量唔大，但係啱晒放題可以試多幾味。三文魚略為燒過後，油脂香迫左出黎，配上芝麻醬又唔會覺得油。而蝦上面嘅芝士亦唔會蓋過左蝦本身嘅鮮味。是日尊貴加推，芝士大龍蝦，幾乎有手掌咁厚架。厚厚嘅芝士，仲有厚實嘅龍蝦肉，係視覺同味覺上都帶來衝擊。一流，記住趁熱食！ (仲放到好似個心心咁添<3)健康人當然要食菜啦，叫左呢碟牛油炒野菜。牛油香十足，亦唔會好老，大件夾抵食。繼續芝士系列，今次到芝士蠔，大大隻無異味，沙律醬酸甜惹味，仲有焗完都唔會dry，唔錯！甜品方面係自助式。有笑哈哈之選，芋頭味同雲尼拿味嘅雪糕糯米糍，加上比較特別嘅冰菠蘿，有返小學嘅童年回憶，而且真係雪到硬一硬，有食冰既感覺，記住試啊！