渝味曉宇重慶老火鍋 (太子集團中心) (Closed)

好耐未食過重慶火鍋，喺香港渝味曉宇都算數一數二嘅火鍋店，尖沙咀呢間環境都非常唔錯～襯下午菜時段人流少啲同埋免湯底費用就去咗試試！食火鍋食到可以睇埋個海景都幾chill~裝修都唔錯，空間好夠服務上都好貼心，有圍裙，有口罩袋，上湯上菜速度好快，有茶任添，杯茶味道都唔錯！一坐低就上咗兩碗木耳冰糖糖水！好味～清甜！上茶可揀鴛鴦鍋，其中一邊係重慶麻辣湯底，另外一邊我哋揀咗蕃茄湯！蕃茄湯都意想不到咁高質～湯底夠濃，而且仲有好多金針菇，好似讚咗一碟菜咁🤣 麻辣湯底亦好足料，我唔係好食得辣，所以撈起一半辣椒，味道就啱啱好，唔會辣到流鼻水，但又好過癮！食品方面都好抵讚！所有海鮮都好鮮甜！推薦鮑魚、桂花蚌、蝦滑、墨魚滑、鱔～全部食材都好新鮮！值得一試！另外炸豆皮都非常適合打邊爐！好正，好香豆味！牛肉當然唔少得啦，但我會想叫多幾份海鮮多啲，海鮮質素太高！最後以娃娃菜收尾！～