和記餐廳 (Closed)

食店雖然座落熱鬧銅鑼灣一帶，不過唔係睇過梁祖堯臉書上推介真係好少會去一段單程路嘅謝斐道覓食。閱畢由飯友轉發相關貼文及其附圖後，為食貓們都表示要去試試；因貼文上的相片實在太吸引。貼文推介嘅招牌海鮮湯飯未見於餐牌上出現，慕名而至當然照點最想試嘅海鮮湯飯。等候食物期間，眼見鄰桌的午餐非常有份量，只睇個碟頭就算從事體力勞動嘅朋友都一樣夠飽。海鮮湯飯一上檯，真係好大堆頭、好大碗，100%同臉上推介文貼圖一樣咁多料；蝦、蟹、蜆通通好大隻而且一入口就知新鮮。 拜大量海鮮炮製，湯飯啖啖鮮甜而且咁多料咁大堆頭仲係$60有找，祖堯今次依個推介真係無得彈。