港畔餐廳 (Closed)

由於媽咪生日，所以就早早book左洲際同佢食dinner buffet ,仲可以預訂果時reserve 定一個切餅有生日牌。一坐低就有杯welcome drink,有果汁有mocktail. 不過...都係似果汁穩陣d 一開始就食左冷盤先，好多開邊龍蝦。好新鮮，仲有蟹腳，麵包蟹，蜆，青口果d ..不過之前食過麵包蟹麻麻地。所以都係主攻龍蝦同埋長腳蟹 當然仲有ham 同 salami 熱食有鵝肝多士，味道不錯，如果件肝可以煎香少少仲好。串燒同蟶子都幾好。質素穩地。但天婦羅就麻麻，個炸殼分離曬，好彩無咩油益味。要讚既係佢d 壽司，好好味，仲多款。d 飯醋味適中，仲唔會好實。清蒸海斑...唔得，無魚味，無鮮味，仲好鞋 魚湯烏冬反而不錯,不過食唔到咁多。仲有好好好味既菜心，好甜，無渣最後到我最期待既畫面，甜品區呢度既甜品區算係好多好多款式，每款試一個都好滿足了一個海景伴美食，非常滿足的一晚。