古宮韓國料理 (Closed)

食韓國料理，得兩個人，真係食力有限，叫多幾款都驚食唔哂。是日飯局多隻腳，四個人，應該都可以又食鍋物又燒肉，就黎食好耐都無食過既韓燒。例牌野就係前菜一大堆，泡菜就酸甜都幾平均，夠哂爽脆，難得既係鮮醃的，水準都很好。仲有一款少見既，問店員先知係蛋白，都幾唔錯。仲有個南瓜湯，濃濃杰杰，帶點甜，都幾開胃。燒野當然走唔甩，要個烤雜錦牛肉，牛肋骨、牛舌、雪花肥牛同仲有一款冇記錯的話係牛腩。牛肋骨醃得出色，味濃濃，食落鬆軟同有肉汁，係食韓國野必吃的。牛舌切得薄薄，真係影響口感，燒五成先稍為好一點。雪花牛都幾可口，另一款就唔多記得。整個拼盤都出色。唯一既支節係店面太熱情太好心，明明已經人人有得食，見個爐吉吉地，又走埋黎幫手燒野，燒完食唔切凍哂影響水準就唔好啦。不過幫手燒唔係壞事，係我唔多受係度發牢騷。另一款燒野係見幾多人都黎食既五花腩，肥瘦均等，充滿油脂香味，都係很不錯的一款。熟食點左炒八爪魚，八爪魚夠鮮，好彈牙，不過唔好以為好大碟，係配菜多而已。亦要左個撈麵，麵較為硬身，有點韌勁。鍋物要左海鮮鍋，真係好鮮，個湯頭真係可以飲到見底，湯頭鮮，料當然好期待，樣樣都有d，份量都幾多，係好新鮮的。收得幾舊水既