廣東名門 (三聖市場)

Open Now

Now Closed

友人相約食飯，收咗工一行6個人一齊入去咗三聖邨食海鮮，友人已一早買定海鮮Order曬，叫左以下幾樣:-(1)明爐燒鵝半隻份，燒鵝燒到好香，啖啖肉又唔係太多肥膏，個脆皮嘅油脂份量啱啱好，皮脆肉嫩。(2)白灼赤米蝦一大碟但全新部細細隻，肉不多但肉質鮮甜無比，新鮮彈牙，點少少辣椒豉油已經好好味。(3)煮花螺因有人不食辣，所以無辣酒煮，花螺大大隻，剛好熟，多肉好食，點甜醬食一流。(4)清蒸星斑買左條好大既星斑，唔知有無兩斤重，非常新鮮，魚肉鮮甜，蒸的時間剛剛好，蔥同豉油又調得好好。(5)芝士龍蝦伊麵好大隻龍蝦，好多肉，肉質厚實彈牙，生熟程度剛好，芝士好多，d汁係濃到掛得起d麵，伊麵吸哂龍蝦既精華湯汁，超正！(6)薑蔥石鍋鮑魚一上枱熱辣辣，鮑魚肉質結實彈牙，D蔥都好好食。(7)海鮮湯海鮮湯用左唔同既海鮮整(眼見有好多蜆，瀨尿蝦，魚，薯仔，豆腐等)，飲落去好清甜，阿姐係咁提我地要襯熱飲，唔係可能凍左會腥，最後個湯渣D海鮮俾人清晒。(8)鹽焗羔蟹幾多膏，好香甜，海鹽提升了蟹肉的鮮味。(9)時菜最後時菜清一清，唔洗食飯都飽曬。食海鮮都係要新鮮，新鮮就點煮都無得輸，海鮮自己買入去，連酒水都係$600幾一