濠客蒸氣海鮮 (Closed)

同妹放工入元朗食蒸海鮮。這間在元朗的蒸海鮮，多是套餐,而且有專人替你蒸海鮮唔想動手嘅我，簡直就是一流今次叫左個黃金套餐$288，其實最先想食$198套餐，每人份都有半隻蟹同龍蝦。但最後兩人都一致決定想各自食一隻奄仔蟹、同食鮑魚，所以就叫黃金套餐啦！蒸海鮮除左要個爐，當然就要食材新鮮，海鮮送上枱時真是剛剛劏好，極新鮮呀。首先蒸奄仔蟹🦀好多膏呀！肉質實淨而鮮甜，爆哂膏，好在最後決定一人食一隻，因為半隻唔夠爽。蒸龍蝦🦞，每人有半隻，龍蝦都幾大隻，因為新鮮，龍蝦肉好爽，龍蝦頭堅多膏。鮑魚呀！仲有其他貝類、蝦，所有海鮮都已經處理哂內臓，可以一蒸就食得，爽！仲有蒸蔬菜，冬瓜、南瓜🎃、津白、粟米，我就鐘意點豉油食，阿妹就唔加豉油，咁先食到個鮮同甜。最後當然要食蒸海鮮嘅精華，南瓜粥，加上菜甫乾，十分満足。最後仲有生果。每個套餐都有一罐飲品。＊建議最好訂位，真的愈來愈多人，好在有阿妹訂左位先。