豆乳狂人 (Moved) New Location

有次經過，有啲口渴，就想去搵杯野飲。 作為健康的朋友，台式手搖就冇飲好耐架啦，所以目標都係搵一啲感覺上健康啲嘅野黎飲啦。見到呢一間豆品鋪，有好多唔同的選擇，一時三刻都幾令人花多眼亂。 最後就叫左凍特濃桃膠豆乳，可能大家同我一樣，每逢見到啲特濃xx, 特濃xx 都會自動忽略「特濃」呢個字, 原因就係大家都會中過太多伏，知道只係包裝產品，無咩實際意思。 但呢度嘅豆乳絕對係特濃！因為成支豆乳口感上係介乎於gel 狀與膏狀之間，唔知係支野真係咁濃，定還是係桃膠雪凍左之後會變成咁。我唔係好分得出。 但豆乳的豆味好濃，無渣渣，而且桃膠都煲到好腍，質素都幾好！