龍德樓 (Closed)

如果你有好多時間，都想同朋友聚一聚，呢度絕對係一個好地方，呢度啲食物都係精心炮製，煲仔飯都要等一個鐘頭，可見當中的細心。我哋一開始嘅時候，叫咗呢度嘅花膠杏汁燉豬肺，個湯都算幾甜，有少少杏仁味。花膠亦都有咬口。之後就係馬拉盞炒時蔬，個菜用左唔少油去炒，所以都算滑身。再之後就係佢哋呢度出名嘅煲仔飯，我本身唔太好飯焦，所以呢度嘅都幾啱我，但如果要求飯焦嘅朋友就可能唔太適合。肉餅蒸得幾香，幾有豬肉味。另外就係呢度嘅蜜桃咕嚕肉，個醬汁都幾香，肉質都幾硬身，有質感。