釜之魂釜飯專門店 (淘大商場) (Closed)

有一日喺淘大睇完戲，到咗晚飯時間，同朋友唔知食乜好，就發現咗最遠有呢間釜飯店，就決定入去試一試。我哋總共叫咗兩個飯同一個小食，然後加錢轉左套餐，附送一碗湯，湯好足料入邊有好多南瓜蘿蔔同豆腐。係餐牌見到鰻魚飯咁吸引當然要叫一個試吓，鰻魚飯果然夠厚，識落冇骨而且鰻魚汁都好夠，撈飯一流。另外仲叫咗一個牛舌飯，但係牛舌口感就一半，都係鍾意鰻魚飯多啲。平時出街都慣咗會叫一個沙律，感覺好似均衡啲，今次見到餐牌有芝士藜麥沙律，就決定叫一個。芝士原來係芝士粉咁解，藜麥嘅份量比我想像中少，加埋青瓜蕃茄同沙律菜，食落都幾清新。