武吉士 (九龍貿易中心)

Open Now

Now Closed

難得可以同係附近做野嘅朋友食個lunch，揀咗一間大家都就腳嘅地方。有時食lunch都會經過呢間餐廳，但未有機會試下。既然朋友又唔知附近有咩食，加上呢間價錢好似幾平，我就提議試下呢間。香茅豬頸肉米線呢碗米線都算清清地，湯底無咩特別，好淡味。豬頸肉其實都好普通，香茅味欠奉，完全無香味。呢碗嘅味道算係同價錢成正比，因為平，食之無味，棄之可惜。美祿恐龍聽聞多數係飲阿華田恐龍，不過我自己係未飲過嘅。見食評唔少人都點咗美祿恐龍，而自己又好鍾意飲美祿，所以叫咗杯試試，點知朋友都一齊叫咗hahaha。呢杯飲品面層有一堆忌廉同美祿粉，老實講唔太飲到美祿個種香醇，飲完都唔會太有驚喜。