Video
Read full review
2021-06-23
842 views
上次黎呢間觀塘淥鼎記試過晚市打邊爐放題，都覺得唔錯。今晚一於encore！呢度有三款套餐，包既野食同限時唔同，視乎日子同入座時間都有唔同價錢。上次食小寶套餐，今次升級叫堂主套餐先，7:30前離座係$248加一。除左小寶套餐有嘅安格斯牛小排，美國安格斯牛肩胛，鹿兒島夢幻豚，紐西蘭羊肉片，鮮脆鯇魚肉，鮮雞件，手打鯪魚丸，仲有韓國生蠔，沙白蜆，海蝦，手打墨魚丸。 另外仲有自家製涼茶及甜品。除左以上野食，前菜有六款，分別係胡麻醬秋葵，香醋鮮雲耳，台式鹽酥雞，鮑汁扣雞腳，麻辣青瓜，泡椒雞翼尖。落單用QR code，每次落單只可以叫三份，不過可能佢見我地兩個人，每次只係上左兩份俾我地。安格斯牛小排非常正，又嫩又重牛味，脂肪又唔算多，我哋食左勁多轉。重點係基本上每一轉質素都好好！紐西蘭羊肉片有少少羶味，需要咬吓。鹿兒島夢幻豚豬味濃，係脂肪較牛小排為多。韓國生蠔睇落以為未融冰，但係食落好鮮甜又肥美度適中，算大隻。手打墨魚丸同手打鯪魚丸細細粒，等你唔洗一次食太多。兩款丸都明顯新鮮手打，好味。海蝦新鮮爽甜，正。沙白蜆雖然唔大隻，但係又嫩又好鮮甜，食得出嘅新鮮。鮮脆鯇魚肉好香鯇魚味。鮮雞件係雞脾肉，質感嫩滑
呢度有三款套餐，包既野食同限時唔同，視乎日子同入座時間都有唔同價錢。上次食小寶套餐，今次升級叫堂主套餐先，7:30前離座係$248加一。除左小寶套餐有嘅安格斯牛小排，美國安格斯牛肩胛，鹿兒島夢幻豚，紐西蘭羊肉片，鮮脆鯇魚肉，鮮雞件，手打鯪魚丸，仲有韓國生蠔，沙白蜆，海蝦，手打墨魚丸。 另外仲有自家製涼茶及甜品。除左以上野食，前菜有六款，分別係胡麻醬秋葵，香醋鮮雲耳，台式鹽酥雞，鮑汁扣雞腳，麻辣青瓜，泡椒雞翼尖。落單用QR code，每次落單只可以叫三份，不過可能佢見我地兩個人，每次只係上左兩份俾我地。
安格斯牛小排
19 views
0 likes
0 comments
安格斯牛小排非常正，又嫩又重牛味，脂肪又唔算多，我哋食左勁多轉。重點係基本上每一轉質素都好好！
安格斯牛小排，紐西蘭羊肉片，鹿兒島夢幻豚
13 views
0 likes
0 comments
紐西蘭羊肉片有少少羶味，需要咬吓。
鹿兒島夢幻豚豬味濃，係脂肪較牛小排為多。
韓國生蠔，手打墨魚丸，手打鯪魚丸
12 views
0 likes
0 comments
韓國生蠔睇落以為未融冰，但係食落好鮮甜又肥美度適中，算大隻。
手打墨魚丸同手打鯪魚丸細細粒，等你唔洗一次食太多。兩款丸都明顯新鮮手打，好味。
海蝦新鮮爽甜，正。
沙白蜆雖然唔大隻，但係又嫩又好鮮甜，食得出嘅新鮮。
鮮脆鯇魚肉，鮮雞件，胡麻醬秋葵
5 views
0 likes
0 comments
鮮脆鯇魚肉好香鯇魚味。
鮮雞件係雞脾肉，質感嫩滑。
胡麻醬秋葵新鮮爽脆，加胡麻醬好食。
菠蘿沙嗲鍋
10 views
0 likes
0 comments
湯底有八款揀，包括皮蛋莞莤豆腐鍋，大紅袍麻辣鍋，澳門豬骨鍋，菠蘿沙嗲鍋，老壇酸菜鍋，花膠美人鍋，正宗藥膳鍋，天山雪蓮蟲草花鍋。今次揀左菠蘿沙嗲鍋，超正，夠哂濃味又唔過份，加左唔少新鮮菠蘿等佢少少辣辣哋又少少甜，我哋好鍾意。
自助配料吧
8 views
0 likes
0 comments
自助配料吧
4 views
0 likes
0 comments
自助配料吧好衞生，全部用蓋蓋住或者用盒裝好，連青菜都用保鮮紙包住，抵讚! 選擇有好多，一般既火鍋配料如龍蝦丸，牛丸，豬肉丸，芥末貢丸，包心蟹籽丸，脆皮芝士腸，魚腐，魚片頭，午餐肉，蟹柳，豬皮都有。較為特別嘅有帆立貝，魷魚，鴨血，豬大腸，台灣米血糕等等。餃類都有幾款，包括水餃，魚皮餃，韮菜豬肉餃，冬菇雞肉餃，鮮蝦雲吞。青菜有三款，分別係娃娃菜加金菇，生菜同菠菜，全部都好新鮮。其他蔬菜仲有新鮮雲耳，淮山，白蘿蔔，冬瓜，萵苣，蓮藕，南瓜片，栗米，山根，唔同菇類。蔬菜質量好高，全部我試過既都好食。主食有稻庭烏冬同出前一丁。值得一提係連炸魚皮都有，淥一淥就食得，香脆好味。
生菜，菠菜，娃娃菜加金菇
5 views
0 likes
0 comments
自助配料吧
9 views
0 likes
0 comments
飲品櫃有兩大個，有好多選擇。
飲品有幾款汽水，解茶，細支裝果汁等等。
欣賞佢既自家製竹蔗茅根，少少甜味，感覺天然，係好清甜既蔗汁味。
醬料自己係自助醬料吧攞。
自家製甜品係布丁，牛奶味香又滑溜，上面加左少少脆米。每人限左一份，要同服務員講先有。
落單後上菜時間都可接受，都冇乜點漏單既，所以兩個鐘實夠食飽。整體而言，食物質素好高！座位舒適，我地兩個人霸左個四人卡位，枱同枱之間距離足夠，坐得好舒服。整體衛生情況幾好，令人食得安心。計落價錢唔算貴，唔怪得平日晚市都咁多人。
Post
