惠澤居

Open Now

Now Closed

途經沙田，夜已經十一點幾，肚餓難耐，就喺呢度叫咗一份海南雞飯。冇幾耐就上枱，雞件擺得好整齊，睇落好吸引。我試咗啖雞，首先覺得火喉控制得好好，雞肉食落好嫩滑，而且食得出冇特別加工，原汁原味。不過可能我太夜過到去，餐廳都應該差唔多關門，如果早啲去，我相信味道更加好，因為個飯食落我覺得比較乾身。不過如果配埋雞肉同埋雞汁，咁就非常好啦。雞肉嘅份量都唔算少，而且有雞髀，食落好滿足。另外，佢個例湯我覺得都唔錯，幾足料。我覺得呢個海南雞飯絕對抵得上呢個價錢。下次肚餓，我都會再嚟呢度食。