Video
Read full review
2023-02-22
26 views
睇完戲出嚟都成9點幾，比著幾年前仲有大把餐廳可以選擇，一場疫情好多嘢都斬掉重練🫣行咗成半個鐘落咗佐敦廟街，終於都比我搵到間睇落都幾高質嘅火鍋店，仲要喺附近，事不宜遲就就上去試吓😻火鍋店喺大廈嘅一樓，一開lift門就係🤗一坐低店員就好快手咁捧咗個火鍋醬料tray上嚟，老公打邊爐最鍾意喺度溝來溝去，合晒佢河車🤣餐廳有沖繩生啤祭，禮拜一到禮拜七由買一送一到買七送七，好鬼吸引呀！！！如果唔係老公要揸車真係好想叫酒飲🥲火鍋配料選擇好多，仲有啲二至八人嘅套餐😳叫埋成班friend上嚟開P打邊爐都得😻最吸引我就梗係啲牛肉啦😻原來除咗火鍋之外，竟然仲有私房菜😳😳😳仲要六位已經可以開席，出面好多都要一圍🥹湯底我哋就叫咗姬松茸冬瓜湯同血池麻辣湯雙拼，冬瓜湯好鮮甜，真係湯嚟唔係落啲料加水，我同老公都各自飲咗碗先落料打邊爐麻辣湯辣就唔算好辣，但入口都幾麻，好過癮老公唔食魚既，我就自己叫咗盤脆鯇魚片嚟獨食難肥下😌仲叫咗木耳鮮蝦雲吞同埋西洋菜香菇餃雙拼我餃子同雲吞好足料，成隻湯羹咁大隻😳脆鯇魚片好新鮮， 淥10零秒就食得，薄得嚟好脆好爽口見啲人話呢度嘅手打丸最出名，果然名不虛傳。叫咗款四色丸尚盛，分別有金沙鮮牛丸
行咗成半個鐘落咗佐敦廟街，終於都比我搵到間睇落都幾高質嘅火鍋店，仲要喺附近，事不宜遲就就上去試吓😻
火鍋店喺大廈嘅一樓，一開lift門就係🤗一坐低店員就好快手咁捧咗個火鍋醬料tray上嚟，老公打邊爐最鍾意喺度溝來溝去，合晒佢河車🤣
餐廳有沖繩生啤祭，禮拜一到禮拜七由買一送一到買七送七，好鬼吸引呀！！！如果唔係老公要揸車真係好想叫酒飲🥲
火鍋配料選擇好多，仲有啲二至八人嘅套餐😳叫埋成班friend上嚟開P打邊爐都得😻
最吸引我就梗係啲牛肉啦😻
原來除咗火鍋之外，竟然仲有私房菜😳😳😳
仲要六位已經可以開席，出面好多都要一圍🥹
湯底我哋就叫咗姬松茸冬瓜湯同血池麻辣湯雙拼，冬瓜湯好鮮甜，真係湯嚟唔係落啲料加水，我同老公都各自飲咗碗先落料打邊爐
麻辣湯辣就唔算好辣，但入口都幾麻，好過癮
老公唔食魚既，我就自己叫咗盤脆鯇魚片嚟獨食難肥下😌仲叫咗木耳鮮蝦雲吞同埋西洋菜香菇餃雙拼
我餃子同雲吞好足料，成隻湯羹咁大隻😳
脆鯇魚片好新鮮， 淥10零秒就食得，薄得嚟好脆好爽口
見啲人話呢度嘅手打丸最出名，果然名不虛傳。叫咗款四色丸尚盛，分別有金沙鮮牛丸+松露豬肉丸+甜薯墨魚丸+芥末籽蝦丸，四款都好有特色
尤其係金沙鮮牛丸同埋芥末籽蝦丸，鹹蛋黃好香濃，同牛丸好夾。
芥末籽蝦丸好有驚喜😻😻真係估唔到呢個配搭咁好
我最期待嘅牛牛出場啦！今次叫咗個特尚手切牛，真係好靚，油花好均勻，肉味勁濃！！早知叫盤大架啦😩
呢度除咗火鍋之外，仲有啲串燒可以叫。我地叫咗厚切牛舌，芝士獅子狗同埋免治雞肉棒嚟過下口癮
牛舌超級～厚切，外脆內軟。芝士獅子狗一啖一粒爆芝🤤好有滿足感
配料仲叫咗豆腐同埋蔬菜拼盤，蔬菜好新鮮仲要係有機嘅😻粟米超級甜
仲有好多想食嘅一次過食唔晒，下次嚟試曬其他牛先😻
Post
