深宵食堂 (Closed)

平日好少去尖沙咀，今日放假就去逛逛街。發現開左好多中西美食店舖，難得來到就食埋宵夜啦！朋友話之前去過深宵食堂食午飯，覺得唔錯，不如去試吓宵夜。佢位於食市林立既厚福街12號藍馬商業大廈五樓。店內裝潢好有日本居酒屋嘅feel，九點多既時候有七、八成客人。但係唔覺嘈雜，俾人一種憩静、溫馨。咁叫杯梅酒先！ 梅酒（＄68@160ml）跟半杯冰另上，自己隨意倒入杯裡，甜甜地，够爽、够醇！ 吉列廣島蠔（＄48@4）大大隻！ 外层酥脆，肥美既蠔肉够嫩滑，味鮮美！ 燒羊架（＄78@2），廚師細心将兩件羊架切成細細件，方便女仔口型。   肉質唔羶，但有少少乾。而伴上既醬有日式芥末和薄荷醬，本人鍾意薄荷醬多D。甜甜地、而薄荷既清香同羊肉想唔到出奇地夾。 一口牛（＄68@2）上來時好得意， 兩串肉插入半個馬玲薯上，侍應生提醒薯仔係生既， 牛肉燒得香香、咬落嫩滑有肉汁！ 食左咁多肉，都係要食返個日式炒野菜（＄48）！原來都好大碟，D木魚薄薄的片放在杂菜上面，好似在跳舞！ 未食已經好開心！