Video
Read full review
2017-06-11
64 views
返工返到一肚火，最啱就係同三五知己摸摸酒杯傾下心事! 所以今日深宵時份就嚟咗呢間好燒式度食下串燒飲飲酒!呢間好燒式燒烤位處於砵蘭街，地點唔算好顯眼，但係就勝在地點夠就腳， 即使食到夜一夜都唔驚冇車返屋企我哋大約凌十二點半黎度， 尚有少量空位 可能今日係平日（ 我哋走嘅時候已經全場爆滿，真係估佢唔到咁好生意)呢度嘅餐牌一目了然 除咗串燒之外，仲有意粉及其他小食可供選擇， 當然黎呢度就係為咗試佢哋嘅招牌串燒啦!打頭陣點咗一客炸蝦餅， 炸蝦餅絕對有泰國小店所能夠食到嘅風味， 絕不遜色!串燒點左安格斯牛肋串， 牛舌及牛柳粒， 安格斯牛保留牛嘅濃郁美道，牛舌夠爽口， 牛柳粒就充滿肉汁， 如果要我選出最好味嘅我真係揀唔到，只能夠說係平分秋色!第二round 係燒魷魚,鬚燒白鱔及雞軟骨 燒白鱔好有咬口， 可能因為佢係用大火去燒， 令到表皮好煙韌又不失魚嘅鮮味， 雞軟骨及魷魚酥就保持一貫水準 因為我自己鍾意食辣，所以加咗佢秘製嘅大辣粉更加惹味燒蠔有四種風味，分別係煙肉燒蠔，白汁芝士燒蠔，雜菌露筍燒蠔及辣蒜蓉燒蠔， 個人最喜愛白汁芝士燒蠔,因為芝士味香,蠔又夠大隻本來對燒粟米沒有太大期望，但係可以講燒粟
呢間好燒式燒烤位處於砵蘭街，地點唔算好顯眼，但係就勝在地點夠就腳， 即使食到夜一夜都唔驚冇車返屋企
我哋大約凌十二點半黎度， 尚有少量空位 可能今日係平日（ 我哋走嘅時候已經全場爆滿，真係估佢唔到咁好生意)
呢度嘅餐牌一目了然 除咗串燒之外，仲有意粉及其他小食可供選擇， 當然黎呢度就係為咗試佢哋嘅招牌串燒啦!
打頭陣點咗一客炸蝦餅， 炸蝦餅絕對有泰國小店所能夠食到嘅風味， 絕不遜色!
串燒點左安格斯牛肋串， 牛舌及牛柳粒， 安格斯牛保留牛嘅濃郁美道，牛舌夠爽口， 牛柳粒就充滿肉汁， 如果要我選出最好味嘅我真係揀唔到，只能夠說係平分秋色!
第二round 係燒魷魚,鬚燒白鱔及雞軟骨 燒白鱔好有咬口， 可能因為佢係用大火去燒， 令到表皮好煙韌又不失魚嘅鮮味， 雞軟骨及魷魚酥就保持一貫水準 因為我自己鍾意食辣，所以加咗佢秘製嘅大辣粉更加惹味
燒蠔有四種風味，分別係煙肉燒蠔，白汁芝士燒蠔，雜菌露筍燒蠔及辣蒜蓉燒蠔， 個人最喜愛白汁芝士燒蠔,因為芝士味香,蠔又夠大隻
本來對燒粟米沒有太大期望，但係可以講燒粟米係超甜，而且燒咗之後唔會太乾身， 粒粒分明， 再點飽都要完成
羊架配薄荷醬呢個配搭基本上係冇得輸， 羊唔會太騷， 油粉啱啱好食完好甘香
燒豬仔髀食落一啲都唔似豬， 由於係髀 都可以嘅關係肉質有些勁道， 有小小騷騷的感覺， 加埋特製辣椒味道有提升
燒韮菜好大條， 韭菜一定要配辣椒先好食， 略嫌有少少老， 整體尚算好味
燒菠蘿
12 views
0 likes
0 comments
燒菠蘿可以話係為今餐劃上完美嘅句號。 燒菠蘿係甜中帶酸， 食完之後有消滯嘅效果， 呢隻燒菠蘿燒到熱熱地，零舍開胃，食完之後忘記曬之前食過嘅飽飽感覺!
Post
