Video
Read full review
2018-10-08
107 views
星期五放工後，同朋友去左深水埗腦場買完隻game後係附近搵食，上網serach 到呢間茶屋町好近所以過左尼呢到。7點半左右都坐滿晒，好彩咁岩有人走先唔使點等。門口位置放左蛋糕櫃，有D抹茶甜品可以買走既。內裡裝修係仿日本鐵路車廂，有種去左日本既感覺。主食主要係便當，用上日本產米同蛋，幾有誠意。後面甜品類佔左好大篇幅，睇尼呢度既甜品都唔錯。由於我地兩個比較大食，所以係一人叫左一個便當既。我叫既炸蝦咖哩便當，炸蝦熱辣辣，炸皮炸得岩岩好唔會好油膩。飯面加左D飯素，最岩我呢D重口味既人，前菜都好豐富，有玉子燒，昆布同紫心番薯。味噌湯用左冷麵既容器去裝，放耐左都仲好熱。裡面有豆卜同蘿蔔。朋友叫既係芝士豬扒咖哩便當，芝士豬扒既芝士好香，有牽絲!其餘前菜都係一樣既。令我好奇既地方有比我地既兩杯茶，一杯有好多茶葉，另一杯全無既，見其他枱都係咁，唔知有咩特別呢。
同朋友去左深水埗腦場買完隻game後係附近搵食，
上網serach 到呢間茶屋町好近所以過左尼呢到。
7點半左右都坐滿晒，好彩咁岩有人走先唔使點等。
門口位置放左蛋糕櫃，有D抹茶甜品可以買走既。
內裡裝修係仿日本鐵路車廂，有種去左日本既感覺。
主食主要係便當，用上日本產米同蛋，
幾有誠意。
後面甜品類佔左好大篇幅，
睇尼呢度既甜品都唔錯。
由於我地兩個比較大食，所以係一人叫左一個便當既。
我叫既炸蝦咖哩便當，炸蝦熱辣辣，炸皮炸得岩岩好唔會好油膩。
飯面加左D飯素，最岩我呢D重口味既人，
前菜都好豐富，有玉子燒，昆布同紫心番薯。
味噌湯用左冷麵既容器去裝，放耐左都仲好熱。
裡面有豆卜同蘿蔔。
朋友叫既係芝士豬扒咖哩便當，
芝士豬扒既芝士好香，有牽絲!
其餘前菜都係一樣既。
令我好奇既地方有比我地既兩杯茶，一杯有好多茶葉，另一杯全無既，
見其他枱都係咁，唔知有咩特別呢。
Post
