C2 Kitchen (Closed)

之前見森美大哥喺電台介紹呢間深水埗近長沙灣嘅西餐小店，難得約咗朋友嚟食lunch，就預先book枱先。當日嚟到，鋪頭都好full,Book咗枱都要等5至10分鐘!可能因為係森美大哥嘅影響力啦，不過好快都可以有位了！-午餐$48起，包餐湯沙律同埋嘢飲。喺深水埗區西餐已經好少見，仲要價錢咁實惠，唔怪得知咁多人嚟食。餐廳主打手造意粉。我同朋友就叫咗天使麵同埋蕃茄汁尖通粉，味道真係唔錯，不過份量偏小，男生可能唔係太夠啦。