Major Tom (Closed)

經常喺日間去到深水埗大南街嘅cafe, 係一種文青風嘅小慢活感覺。今次係夜間嚟到同一個地方，又係另一種神秘感。喺大南街嘅一個角落，有間以太空為主場嘅cafe, 一到入夜就搖身一變成為一間酒吧。以白色同銀色為主嘅裝修，加上夠哂科幻感嘅燈光有如入咗個大空艙，食返哂Major Tom 呢個太空Theme。冬蔭功泰式感十足嘅cocktail。有清新嘅lemon grass 同埋香茅味，加上有住小小檸檬同埋辣味，好似飲緊一個冬蔭公凍湯咁。Old Fashion威士忌cocktail 最 classic 嘅選擇，有煙薰嘅香橙味。貼合返cafe 主題，cocktail 中嘅咖啡豆令到cocktail 有咖啡微香。口感幾full body 而且有層次感。Bar Tender Omakase 以檸檬為主題嘅free style cocktail, bar tender 仲落咗黑椒同埋香茅， 飲落辣辣哋仲有少少蜜甜味，味道好似食緊一粒檸檬糖。鋪頭喺下晝五點後會有酒鬼放題free flow cocktail 供應，日晚分明兩種style，室外仲會有草地可以俾寵物一齊chill添。