Power Burger (黃竹街)

Open Now

Now Closed

放工後同友人係深水埗行咗一陣街，發現地鐵站附近有間美式漢堡小店。店內空間唔算太大，如果外賣自取應該方便啲，店內仲掛咗啲舊港式電影海報，幾有懷舊風味。萬聖節前夕店家仲加咗唔少南瓜裝飾，好得意。芝士漢堡加蛋 $98．非常推薦呢款，加蛋後嘅芝堡多咗濕潤感，食落唔乾身．蛋汁豐盈流心．牛肉扒厚身，油香充分但唔過火，牛香亦夠芝士漢堡加2塊煙肉 $106．欣賞包身都係有烘過，煙肉版令芝牛堡更香口．煙肉唔會過鹹，口感煎得香脆甜香蕃薯條套餐小食 $38．份量唔少，二人分享綽綽有餘．選用粗身切條，蕃薯香較濃郁金黃炸魚條套餐小食 $38．以為會似炸魚柳口感，但原來似帶有魚蛋口感嘅炸魚，食落幾特別．口感彈牙，炸得幾乾爽飲品．跟餐分別揀咗雀巢檸檬茶同淳茶舍，消滯解膩*店內仲可自取漢堡包造型軟糖，食完漢堡再食漢堡糖，儀式感滿滿。