Video
Read full review
2023-10-10
25 views
今晚放工想食漢堡, 深水埗除咗連鎖快餐店食漢堡外, 都可以揀手工漢堡包店食嘅, 當然一分錢一分貨啦! 呢間位於深水埗黃竹街嘅小店, 環境用咗橙灰色, 工業風得嚟, 感覺有啲懷舊又簡約, 但又有啲似café, 牆上仲有香港50-70年代電影海報, 可以坐低同朋友慢慢食。餐牌有8款Burger比你選擇, 價錢$78起, 可以單點, 可加錢配小食飲品或者啤酒等。我地要咗兩份餐。芝士漢堡+追加煙肉+香脆麥雞塊+可樂 - $88+$48個包輕輕烘過, 有少少香脆及鬆軟; 用咗1塊CAB認證嘅4 Orz安格斯漢堡扒, 加埋芝士, 本地有機菜, 洋蔥, 小黃瓜同自家秘製醬汁; 望住店員點餐後即叫即煎, 拎上手非常大個厚身; 漢堡扒煎至6-7成熟, 裏面超多肉汁, 好香牛肉味, 芝士熔哂可以黏住漢堡扒上, 配上洋蔥, 小黃瓜, 本地有機菜嘅羽衣甘藍減低油膩度, 加埋秘製醬汁配搭剛剛好; 我仲加了一片煎到香脆嘅煙肉, 增加口感。香脆麥雞塊新鮮熱辣炸起, 配埋千島醬, 都幾惹味。跟餐飲可樂, 真係賞心樂事呀!焦脆漢堡 +追加煙肉+甜香蕃薯條+麻辣薑汽水 - $88 + $48個包一樣輕輕烘過, 有少少香脆
芝士漢堡+追加煙肉+香脆麥雞塊+可樂 - $88+$48
個包輕輕烘過, 有少少香脆及鬆軟; 用咗1塊CAB認證嘅4 Orz安格斯漢堡扒, 加埋芝士, 本地有機菜, 洋蔥, 小黃瓜同自家秘製醬汁; 望住店員點餐後即叫即煎, 拎上手非常大個厚身; 漢堡扒煎至6-7成熟, 裏面超多肉汁, 好香牛肉味, 芝士熔哂可以黏住漢堡扒上, 配上洋蔥, 小黃瓜, 本地有機菜嘅羽衣甘藍減低油膩度, 加埋秘製醬汁配搭剛剛好; 我仲加了一片煎到香脆嘅煙肉, 增加口感。香脆麥雞塊新鮮熱辣炸起, 配埋千島醬, 都幾惹味。跟餐飲可樂, 真係賞心樂事呀!
焦脆漢堡 +追加煙肉+甜香蕃薯條+麻辣薑汽水 - $88 + $48
個包一樣輕輕烘過, 有少少香脆及鬆軟; 焦脆漢堡內有兩塊2oz既安格斯漢堡扒, 芝士, 小黃瓜, 洋蔥, 本地有機菜同埋自家秘製醬汁。漢堡扒依然juicy, 食落有肉味, 面層少少焦脆, 入口比一般漢堡扒更香口, 多咗燒烤味。加埋新鮮既本地有機菜同配料, 加上煙肉口味係濃郁啲; 番薯條唔會好甜, 整到外脆內軟, 又唔會好乾, 味道唔錯! 我配了麻辣薑汽水, 味道都幾特別, 有啲似薑啤嘅味, 唔錯!
呢條街平日夜晚真係冇咩人行經, 可能中午食飯會多少少人氣啦, 但見佢都多外賣, 希望大家多多支持本地小店啦!
Post
