歌聲光頭佬泰國菜 (Closed)

深水埗食泰國菜呢可能都諗唔到邊間特別出名，西九龍食中心上面都有幾間，口味普通啦勝在夠抵食。但今日呢間光頭佬呢都幾偏僻，近住添好運嗰頭啦。間舖係極細間，坐呢就絕對唔住唔舒服，但係我估呢就貪佢啲嘢夠正宗。今日食咗幾味嘅分別係烏頭啦、雞翼啦、冬陰功湯同埋個炒飯，炒飯一般呀，其他都唔錯達到一般泰國舖頭的水準。其中最正就冬陰功湯啦，用料都多嘅，但係呢就唔係嗰種大蝦，你預就飲湯頭為主啦。咁烏頭呢同雞翼就正常發揮，香料唔係特別香，但係都起碼係即燒，唔係擺定喺度等你嗰隻。不過價錢就唔係特別平啦，要食泰菜可能都係返九龍城尋寶比較好啦。🤣