Video
Read full review
2022-03-16
1210 views
呢日喺深水埗買完嘢，阿媽叫我斬料返屋企加餸，因為日頭無落街😅。我醒起舊同事講過長沙灣道間「潮味苑」啲食物唔錯，咁就一於試吓。我都未行到去個舖位，離遠就經已見到有好多人幫襯，有唔少係買慣買熟嘅街坊👍。滷水打冷係餐廳嘅主打，佢另外仲有潮州粉麵同特色小菜，選擇非常之多，價錢則屬正常水平。我哋要咗一盒滷味同一份炒麵，唔好睇外賣盒細細🥡，但其實疊到好實，相當足秤。滷水細拼($148)，雖然話係細拼盤，但份量都已經咁多，難以想像大拼會有幾誇張😳。拼盤內容超豐富，數下數下超過成十款，包括墨魚、豬頸肉、鵝肝、豬耳、紅腸、雞腎、五花腩、豬大腸、生腸、雞蛋、豆腐、芽菜同花生等。佢係我食過嘅拼盤之中最好食，每一樣都滷得入味，但又唔會過鹹。我自己最鍾意墨魚🦑、豬頸肉同芽菜。拼盤份量多到一餐都食唔晒，性價比高！三絲炒魚麵($78)，炒魚麵唔係度度都有得食，真係要喺正宗潮州菜館先有呢。🐟魚麵真材實料，粗幼度同烏冬相若，每條爽彈得嚟又唔似發泡膠，口感好正，令人上癮。話明三絲炒，當然無令人失望，佢落咗多種海鮮(如鮮蝦、魷魚同魚片頭)、韭菜、韭黃同蛋絲等一齊炒。魚麵美味，而且仲感覺健康輕盈啲，走澱粉質嘛🥢。題外話，餐廳
呢日喺深水埗買完嘢，阿媽叫我斬料返屋企加餸，因為日頭無落街😅。我醒起舊同事講過長沙灣道間「潮味苑」啲食物唔錯，咁就一於試吓。
我都未行到去個舖位，離遠就經已見到有好多人幫襯，有唔少係買慣買熟嘅街坊👍。滷水打冷係餐廳嘅主打，佢另外仲有潮州粉麵同特色小菜，選擇非常之多，價錢則屬正常水平。
我哋要咗一盒滷味同一份炒麵，唔好睇外賣盒細細🥡，但其實疊到好實，相當足秤。
滷水細拼
$148
26 views
0 likes
0 comments
滷水細拼($148)，雖然話係細拼盤，但份量都已經咁多，難以想像大拼會有幾誇張😳。拼盤內容超豐富，數下數下超過成十款，包括墨魚、豬頸肉、鵝肝、豬耳、紅腸、雞腎、五花腩、豬大腸、生腸、雞蛋、豆腐、芽菜同花生等。佢係我食過嘅拼盤之中最好食，每一樣都滷得入味，但又唔會過鹹。我自己最鍾意墨魚🦑、豬頸肉同芽菜。拼盤份量多到一餐都食唔晒，性價比高！
三絲炒魚麵
$78
15 views
0 likes
0 comments
三絲炒魚麵($78)，炒魚麵唔係度度都有得食，真係要喺正宗潮州菜館先有呢。🐟魚麵真材實料，粗幼度同烏冬相若，每條爽彈得嚟又唔似發泡膠，口感好正，令人上癮。話明三絲炒，當然無令人失望，佢落咗多種海鮮(如鮮蝦、魷魚同魚片頭)、韭菜、韭黃同蛋絲等一齊炒。魚麵美味，而且仲感覺健康輕盈啲，走澱粉質嘛🥢。題外話，餐廳自家製嘅辣椒油好辣，但又好惹味。
總括嚟講，呢間深水埗知名潮州飯店果然有水準，咁多人幫襯唔係無原因😋。餐廳無華麗嘅裝修，但就有一種親民小店嘅感覺。當疫情過後可以堂食之時，我會約朋友再次到訪，啤啤佢，品嘗正宗潮州美食。
Post
